Main Promo Images
Trydar / Twitter
Gwybodaeth i gymuned yr ysgol
Bu farw Elin Boyle yn annisgwyl ar Ddydd Sul 17eg o Fawrth 2019.Yn wraig gariadus i Jon, Mam ofalgar i Caitlin, merch annwyl i Lynwen a’r diweddar Colin, chwaer arbennig i Anwen, Anti balch, a ffrind ffyddlon i nifer.
Angladd gyhoeddus i’w chynnal am 10 y bore ar Ddydd Sadwrn, 6ed Ebrill, 2019 yng Nghapel y Tabernacl, Yr Ais, Caerdydd, CF10 1AJ ac i ddilyn i’r teulu yn unig yn Amlosgfa Thornhill.
Blodau teulu yn unig, rhoddion os dymunir i ‘Mind’ Caerdydd drwy https://uk.virginmoneygiving.com/SomeoneSpecial/ElinBoyle
Unrhyw ymholiadau drwy Drefnwyr Angladdau Coles, 2-4 Heathwood Road, Caerdydd, CF14 4XE (02920 093388) www.colesfuneraldirectors.co.uk
Newyddion Trist Iawn
Hoffai'r ysgol rannu datganiad gyda chi gan deulu Mrs Elin Boyle;Fel teulu rydym yn teimlo’n ofnadwy o drist. Mae’n anodd disgrifio pa mor boenus yw colli un annwyl drwy’r salwch meddyliol creulon hwn y bu rhaid i Elin frwydro yn ei erbyn am dros 25 o flynyddoedd.
Hoffem ddiolch i Heddlu De Cymru a thimau achub yr Arfordir am eu holl help a’u cefnogaeth wrth geisio dod o hyd i Elin, nid yn unig y tro hwn ond hefyd ar achlysuron blaenorol ac i Staff a Disgyblion Ysgol Plasmawr am eu cefnogaeth gyson i ni fel teulu.
Rydym yn wirioneddol ddiolchgar am y sylwadau gan ffrindiau, cydweithwyr, disgyblion a chyn-ddisgyblion ar y cyfryngau cymdeithasol. Roedd hi’n berson wirioneddol arbennig a trueni mawr nad yw yma i weld yr holl gariad sy’n cael ei mynegi amdani. Roedd ganddi’r ddawn i wneud i eraill deimlo’n well ac yn hapus a byddai’n mynd y filltir ychwanegol i helpu eraill.
Ein hunig gysur yw bod Elin bellach mewn hedd. Cysga’n dawel. ❤️
Hoffai'r ysgol ddiolch o waelod calon am yr holl ofal a chariad a ddangoswyd i bawb yng nghymuned Plasmawr yr wythnos hon.
Gydag amser, bydd cyfle i ni fel cymuned i ddathlu bywyd a chyfraniad amhrisiadwy Mrs Elin Boyle, a bydd gwahoddiad agored i unrhywun a hoffai ymuno efo ni.
Catrin Pallot
Dirprwy Bennaeth
Canlyniadau TGAU 2018
Llongyfarchiadau mawr i ddisgyblion Blwyddyn 11 sydd wedi perfformio’n wych yn eu harholiadau TGAU a BTEC eleni. Er iddi fod yn flwyddyn heriol ar sawl cyfrif mae’r perfformiad eleni gyda’r gorau yn hanes yr ysgol.Diolch i’r holl staff sydd wedi gweithio’n ddi-flino i roi pob cyfle i’r disgyblion lwyddo yn eu arholiadau TGAU a BTEC.
Mae gan bob unigolyn ei stori ei hun ac mae sawl disgybl wedi gorfod gorchfygu salwch ac anhawsterau eraill er mwyn medru sefyll yr arholiadau, da iawn chi. Hoffwn longyfarch pob disgybl ym mhlwyddyn 11 beth bynnag eu graddau a dymuno’n dda i bob un ar gyfer y bennod nesaf cyffrous yn eu bywydau.
Mae’r disgyblion canlynol wedi perfformio yn eithriadol ac wedi ennill 9 neu fwy gradd A*: Anellie Beare, Eleri Davies, Rachel Davies, Catrin John, Cadi Jones, Twm Richards, Steffan Rowlands, Rebecca Saunders, Rhiannon Spannaus, Elin Williams.
Gyda balchder yr ydym hefyd yn llongyfarch y 30% o’r flwyddyn a enillodd 5 neu fwy o raddau A*- A, a’r 87% o’r flwyddyn sydd wedi ennill 5 neu fwy o gymhwysterau A* - C. Da iawn bawb
Canlyniadau Safon Uwch 2018
Llongyfarchiadau mawr i holl fyfyrwyr Blwyddyn 13 ar eu llwyddiant arbennig yn eu arholiadau a’u cymwysterau Safon Uwch, BTEC a’r Fagloriaeth eleni. Mae’r canlyniadau rhagorol yn deyrnged i’w hymroddiad a’u gwaith diwyd dros y ddwy flynedd ddiwethaf.Mae’r mwyafrif helaeth o’r myfyrwyr a wnaeth gais am gyrsiau addysg uwch wedi eu derbyn i’r Prifysgol o’u dewis, a chanran uchel o rheiny yn Brifysgolion Grwp Russell.
Mae 12 myfyriwr wedi derbyn cyfuniad o 4 gradd A* neu A a 25% o’r flwyddyn wedi ennill cyfuniad o 3 neu fwy gradd A* neu A. Llongyfarchiadau arbennig i’r disgyblion canlynol ar ennill cymhwysterau gwych;
3A*, 1A: Georgia Redmore, Heledd Roberts, Mair Thomas.
2A*, 2A: Manon Jenkins, Nia Walsh.
Llongyfarchiadau i Ffion Samuels, Gareth Scourfield a Branwen Thistlewood ar dderbyn y graddau angenrheidiol i astudio ym mhrifysgolion Rhydychen a Chaergrawnt. Dyma ein canlyniadau Lefel 3:
% A* - A: 38%
%A* - C: 86%
%A* - E: 100%
Mae fy niolch yn fawr i’r holl staff sydd wedi paratoi, cynllunio, addysgu, mentora ac asesu’r myfyrwyr trwy eu cyrsiau Safon Uwch, BTEC a’r Fagloriaeth a sydd wedi cyfrannu’n aruthrol at lwyddiant y myfyrwyr.
Adroddiadau Moodle Reports
A brief video showing how to download school reports using Moodle;If the report is in XML format, please download the file first and then use Microsoft Word (or equivalent) to open the file, by default it may open in a different program or not at all.
Ysgol Plasmawr
Heol Pentrebaen
Y Tyllgoed
Caerdydd
CF5 3PZ
Ffôn : 02920 405 499
Ffacs : 02920 405 496
post@ysgolplasmawr.cymru
